🔥 எம்புரான் முதல் நாள் வசூல் பாக்ஸ் ஆஃபீஸில் புயல்! 💥 மலையாள திரையுலகில் சாதனை 🌟

திருவனந்தபுரம்: மலையாள சினிமாவில் இதுவரை வெளியான திரைப்படங்களில் முதல் நாள் வசூலில் சாதனை படைத்த படமாக பிருத்விராஜ் சுகுமாரன் நடித்த ஆடு ஜீவிதம் உள்ளது. இந்தப் படம் இந்தியா முழுவதும் முதல் நாளில் 8.95 கோடி ரூபாய் வசூல் செய்து மிக உயர்ந்த முதல் நாள் வசூலைப் பெற்றதாகக் கூறப்படுகிறது. அதற்கு முன்பு, 2019ஆம் ஆண்டு வெளியான லூசிஃபர் திரைப்படம் முதல் நாளில் 6.10 கோடி ரூபாய் வசூல் செய்து சாதனை புரிந்திருந்தது.

இந்நிலையில், இந்த சாதனைகளை எல்லாம் தகர்த்து, எல் 2 எம்புரான் திரைப்படம் முதல் நாள் பாக்ஸ் ஆபீஸ் வசூலில் புதிய உச்சத்தைத் தொட்டுள்ளதாக பாக்ஸ் ஆபீஸ் வட்டாரங்கள் தெரிவிக்கின்றன. தொடர்ந்து வசூல் வெற்றி பெறாமல் தடுமாறி வந்த லைகா நிறுவனத்திற்கு எம்புரான் ஒரு மீட்பு படமாக அமையும் என ரசிகர்கள் மத்தியில் எதிர்பார்ப்பு உருவாகியுள்ளது. பிருத்விராஜ் இயக்கத்தில், மோகன்லால், மஞ்சு வாரியர், டொவினோ தாமஸ், சுராஜ் வெஞ்சரமுடு உள்ளிட்ட பலர் நடித்த இப்படத்தின் முதல் நாள் வசூல் விவரங்களை இங்கு பார்ப்போம்.

எம்புரான் முதல் நாள் வசூல்:

2019ஆம் ஆண்டு மோகன்லால் ஸ்டீபன் நெடும்பள்ளியாக நடித்து வெளியான லூசிஃபர், மலையாள சினிமாவில் மாபெரும் பாக்ஸ் ஆபீஸ் வெற்றியைப் பெற்றது. அதன் இரண்டாம் பாகமாக உருவாகியுள்ள எம்புரான், திட்டமிட்டபடி நேற்று உலகம் முழுவதும் திரையரங்குகளில் வெளியிடப்பட்டது. படத்தின் தயாரிப்பு தரத்தைப் பார்த்து ரசிகர்கள் ஆச்சரியத்தில் உறைந்து போயுள்ளனர். இருப்பினும், கதையில் இன்னும் வலுவான தாக்கம் இருந்திருக்கலாம் என்ற விமர்சனங்களும் எழுந்துள்ளன. இந்திய அளவில் முதல் நாளில் 22 கோடி ரூபாய் வசூலைப் பெற்று, முந்தைய சாதனைகளை உடைத்துள்ளதாக Sacnilk இணையதளம் அறிவித்துள்ளது.

உலகளவில் வசூல் எவ்வளவு?

மோகன்லால், பிருத்விராஜ், மஞ்சு வாரியர் ஆகியோரின் திறமையான நடிப்பில், அரசியல், போதைப்பொருள் ஒழிப்பு, பழிவாங்கல் போன்ற கருப்பொருள்களை உள்ளடக்கிய எம்புரான், உலகளவில் 54 முதல் 60 கோடி ரூபாய் வரை வசூல் செய்திருக்கலாம் என பாக்ஸ் ஆபீஸ் நிபுணர்கள் தெரிவிக்கின்றனர்.

மஞ்சுமெல் பாய்ஸ் வசூலை முறியடிக்குமா?

கேரளாவில் இதுவரை வெளியான படங்களில் மஞ்சுமெல் பாய்ஸ் தான் அதிகபட்ச வசூலை அள்ளியதாகக் கூறப்படுகிறது. அந்தப் படம் சுமார் 230 கோடி ரூபாய் வரை வசூல் செய்துள்ளது. இந்நிலையில், எம்புரான் அதன் வசூல் சாதனையை முறியடிக்க வாய்ப்புள்ளதாகவும், முதல் வாரம் முழுவதும் பல இடங்களில் டிக்கெட் முன்பதிவு ஹவுஸ்ஃபுல் ஆகியுள்ளதால் பெரிய வசூல் எதிர்பார்க்கப்படுவதாகவும் கூறப்படுகிறது. தமிழ்நாட்டிலும் நேற்று காலை முதல் எம்புரான் தான் பாக்ஸ் ஆபீஸில் ஆதிக்கம் செலுத்தியது. ஆனால், மாலைக்குப் பிறகு வீர தீர சூரன் வெளியானதும் எம்புரான் வசூல் சற்று மந்தமடைந்ததாகத் தெரிகிறது.

மோகன்லாலுக்கு இண்டஸ்ட்ரி ஹிட் கிடைக்குமா?

கடந்த சில ஆண்டுகளாக மோகன்லால் நடித்த பெரிய பட்ஜெட் படங்கள் எல்லாம் எதிர்பார்த்த வெற்றியைப் பெறவில்லை. இந்நிலையில், பிரம்மாண்டமாக உருவாகியுள்ள எம்புரான் படத்திற்கு கலவையான விமர்சனங்கள் கிடைத்துள்ளன. ஆனால், விமர்சனங்களைத் தாண்டி, சலார் படத்தைப் போல இதுவும் வசூலில் சாதனை படைக்கும் என எதிர்பார்க்கப்படுகிறது.

குறிப்பு: திரைப்படங்களின் வசூல் தகவல்கள் Sacnilk போன்ற பாக்ஸ் ஆபீஸ் தளங்களில் இருந்து பெறப்பட்டவை. இவை அதிகாரப்பூர்வ தகவல்கள் அல்ல. படக்குழு அதிகாரப்பூர்வமாக அறிவித்தால், அந்த விவரங்களும் இங்கு பகிரப்படும்