இந்திய பிரபல பின்னணிப் பாடகர் பி.ஜெயச்சந்திரன் உடல்நலக் குறைவு காரணமாக இன்று (09) உயிரிழந்துள்ளார். உயிரிழக்கும்போது அவருக்கு வயது 80 ஆகும்.
கேரள மாநிலம் திருச்சூர் மருத்துவமனையில் உடல்நலக் குறைவு காரணமாக அனுமதிக்கப்பட்டிருந்த நிலையில் சிகிச்சைப் பலனின்றி அவர் உயிரிழந்துள்ளார்.
தமிழ், மலையாளம், தெலுங்கு, கன்னடம் மற்றும் இந்தி ஆகிய மொழிகளில் 16,000க்கும் மேற்பட்ட பாடல்களை இவர் பாடியுள்ளார்.
சிறந்த பின்னணிப் பாடகருக்கான மதிப்புமிக்க தேசிய திரைப்பட விருது, ஐந்து கேரள மாநில திரைப்பட விருதுகள், கேரள அரசின் ஜே.சி. டேனியல் விருது மற்றும் தமிழ்நாடு அரசின் கலைமாமணி விருது உள்ளிட்டவற்றைப் பெற்றுள்ளார். நான்கு முறை தமிழ்நாடு மாநில விருதுகளையும் வென்றுள்ளார்.
