இலங்கை – சுவிஸ் உறவின் 70 ஆண்டுகள்!

இலங்கைக்கும், சுவிட்சர்லாந்துக்கும் இடையில் 70 ஆண்டுகளாகத் தொடர்ந்துவரும் இராஜதந்திர உறவைச் சிறப்பிக்கும் முகமாக, இலங்கைக்கான சுவிட்சர்லாந்து தூதரகம் ’70 Years’ எனும் சிறப்புக் கண்காட்சியை ஏற்பாடு செய்துள்ளது.

இந்தக் கண்காட்சி மார்ச் 6 ஆம் திகதி கொழும்பு Radicle Gallery வளாகத்தில் உத்தியோக பூர்வமாகத் திறந்து வைக்கப்படவுள்ளது.

அதனைத் தொடர்ந்து, மார்ச் 7 ஆம் திகதி முதல் 16 ஆம் திகதி வரை தினமும் காலை 10 மணி முதல் இரவு 9 மணி வரை தினமும் பொதுமக்கள் கண்காட்சியைப் பார்வையிடலாம் என அறிவிக்கப்பட்டுள்ளது.

1956 ஆம் ஆண்டு முதல், இலங்கையும் சுவிட்சர்லாந்தும் இராஜதந்திரம், வர்த்தகம், கலாசாரம் மற்றும் கல்வி உள்ளிட்ட பல துறைகளில் வலுவான இணைப்பைக் கொண்டுள்ளன.

இந்நிலையில்,
இந்தக் கண்காட்சி இலங்கை – சுவிட்சர்லாந்து உறவை நிலை நிறுத்தவும் வலுப்படுத்தவும் அதற்காகப் பங்களித்தவர்களின் கதைகளைப் பகிர்ந்து கொள்ளும் முயற்சியாகவும் அமைந்துள்ளதாக சுவிஸ் தூதரகம் தெரிவித்துள்ளது.

புகைப்படங்கள், கண்காட்சி பலகைகள், தனிப்பட்ட சான்றுரைகள் மூலம், இருநாட்டு உறவுகளை வலுப்படுத்திச் சாதனைகளை உருவாக்கியவர்களின் சேவைகள் இந்தக் கண்காட்சியில் சிறப்பிக்கப்படவுள்ளன.